Страстей Господних начатки настоящий день светлоносит. Приидите убо, празднолюбцы, усрящим песньми: Создатель бо грядет Крест прияти, испытания и раны, Пилатом судим; темже и от раба ударен быв по главе, вся терпит, да спасет человека. Сего ради возопиим Ему: Человеколюбче Христе Боже, прегрешений даруй оставление покланяющимся верою пречистым Страстем Твоим.
Се Жених грядет в полунощи, и блажен раб, егоже обрящет бдяща. Недостоин же паки, егоже обрящет унывающа. Блюди убо, душе моя, не сном отяготися, да не смерти предана будеши, и Царствия вне затворишеся. Но воспряни зовущи: Свят, Свят, Свят еси, Боже, Богородицею помилуй нас.